Kənan Məmmədli, “Ədəbiyyat və incəsənət”

Şəkildə gördüyünüz bu oğlan Arzu Qədimovdur. Samux rayonu Çobanabdallı kəndində yaşayır. 

Onun haqqında eşidən kimi istədim sizinlə də bölüşüm. 

Arzu həmin kənd məktəbinin 6-cı sinif şagirdidir. Kənd uşağının həmişə ailənin ağır yükünü çəkməyə köməklik etmək qismətidir. Arzu da qoyun otarır, amma qoyunların otlamasına nəzarət etməklə yanaşı dərslərini də oxumağı unutmur. 

Oxuduğu məktəbin müəllimləri və şagirdləri Qədimov Arzu ilə fəxr edir. Keçən il o, Lütfizadə adına Məntiq Olimpiadasında rayon birincisi olub.

Belə uşaqları bütün ölkə tanımalıdır.

Sağ əli dərs oxumağa “vaxt tapmayan” bekar uşaqların başına.

“Ədəbiyyat və incəsənət”

(27.09.2023)