“Ədəbiyyat və incəsənət” portalı “Aforizmlər xəzinəsi” rubrikasında tanınmış statusman Hümbət Həsənoğlunun növbəti 10 aforizmini təqdim edir. 

1.Hamı bir dünyada yaşasa da, hərə öz dünyasında yaşayır.

2.İnsana qulaq as ki, onunla danışıb-danışmamağa qərar verə biləsən.

3.Bu dünyanı cənnət sayanlar sevinc, cəhənnəm sayanlar kədər içində yaşayarlar.

4.Paxıllıq öskürək kimidir, istəməsən də, üzə çıxır.

5.Sevgi olmasaydı, insanın bu dünyaya gəlməyinin heç bir mənası olmazdı.

6.Kar insana başqasının yaxşı eşitməyini tərifləmək əbəsdir.

7.Buzlaşmış qəlb yalnız isti nəfəslə açılar.

8.İnsan sevincini tutub saxlaya bilsəydi, qəfəs qurub onunla birlikdə yaşayardı.

9.Axmaqların yaratdığı səs-küydə sakitcə öz qəlbini dinləyə bilən müdrikdir.

10.Yalan danışanların içində susan insan həqiqətə dəstək olur.

“Ədəbiyyat və incəsənət”

(17.07.2023)