İmran Verdiyev, Azərbaycan Respublikasının Əməkdar müəllimi.“Ədəbiyyat və incəsənət” portalının Oğuz təmsilçisi

Bu gün8 Mart-Beynəlxalq Qadınlar Günüdür və bu münasibətilə ötən gün Oğuz rayon Mədəniyyət Mərkəzində "Qadınlar bəşəriyyətin bəzəyidir" adlı ədəbi-musiqili tədbir təşkil edilib.

Tədbirdə Dövlət himnimiz səsləndirildikdən sonra, Vətənimizin ərazi bütövlüyü uğrunda Şəhid olan oğullarımızın əziz xatirəsi 1 dəqiqəlik sükutla yad olunub.

Oğuz rayon İcra Hakimiyyətinin əməkdaşı Əhməd Ağababayev çıxış edərək, Oğuz rayon İcra Hakimiyyətinin Başçısı Cavid Əbdül-Qədirovun adından tədbirdə iştirak edən qadınları 8 Mart Qadınlar Bayramı münasibətilə təbrik edib. Dövlətimizin gender-bərabırliyi siyasətindən, görülən örnək işlərdən danışaraq qeyd edib ki, bu gün ölkədə qadınların hər bir sahədə fəal iştirak etməsi üçün imkanlar yaradılıb.

Oğuz rayon Mədəniyyət mərkəzinin təşkilatçılığı, Oğuz rayon Musiqi məktəbinin müəllimlərinin yaxından iştirakı ilə təşkil edilən ədəbi -musiqili tədbirdə "Şur" instrumental musiqi qrupunun üzvlərinin çıxışları başlayıb.  Tədbirdə qonaq qismində iştirak edən Gültən Bəkirova, Şəms Hacıyeva, Zülfüqar Abdullayev, Elnur Kərimov, Məhəmməd Babayev tamaşaçılar qarşısında rənga-rəng musiqilər ifa ediblər.

Həmçinin Oğuz rayon Mədıniyyət mərkəzinin əməkdaşı Mirməhəmməd Malıyev, Musiqi məktəbinin müəllimləri Elşən Bəşirov, Mehran Rüstəmov, Müşfiq Üzeyirov, Tərlan Mikayılov tərəfindən musiqilər ifa olunub. "Sevinc" rəqs qrupunun üzvləri öz rəqsləri ilə tədbirə rəng qatıblar.

Tədbirin təşkilində, rayonun kənd klublarının əməkdaşları da fəal iştirak ediblər.

“Ədəbiyyat və incəsənət”

(08.03.2025)