Aynur İsmayılova, “Ədəbiyyat və incəsənət”
Bəlkə də sıradan bir gün idi bizim üçün...
Kimi üçün yeni ümidlərin doğduğu, kimi üçün xəyallarının gerçəkləşəcəyi günün başlanğıcı, kimi üçünsə sevdiklərinə, doğmalarına qovuşacağı gün idi "25 dekabr"
Bu xəbəri eşidəndə artıq sıradan bir gün olmadı bizim üçün və təyyarə qəzasında həlak olanların arzularına deyil, sonsuzluğa qovuşduğu gün oldu...
Bu, Azərbaycan xalqının faciəsi idi . O xalq ki, həyat və ölüm arasında son anların qaldığını bilərək ümidini itirməyən, sona qədər mübarizə aparan, cəsarətli olmağı bacaran Azərbaycan xalqıdır.
Bizim soydaşlarımız da təyyarədə olan digər xalqların nümayəndələri ilə bir yerdə sona qədər mübarizə apardılar. Təssüflər olsun ki, bu qəzada yaralananlar, həyatını itirənlər oldu ...
Onlar bizim həyatımıza əbədi, silinməz bir iz qoyaraq getdilər. Onlara səslənirəm. Biz görüntülərdə sizlərin necə cəsarətli, təmkinli olduğunuzun şahidi olduq.
Bu hadisə bizləri çox üzdü. Təyyarədə olanların tanıdıqlarımız, yaşadığımız yerin sakinləri olması bir başqa cür üzdü bizi...
Bu gündən sonra bizim dilimizdə daima səslənəcək bu iki şüar- “Allahu Əkbər" və “Hər şey yaxşı olacaq" bir daha sübut etdilər ki,Allaha inandığımız zaman hər şey yaxşı olacaq...!
Allah dünyasını dəyişənlərə rəhmət, sağ qalanlara tez zamanda şəfa versin.
Başın sağ olsun, Azərbaycan!
Başın sağ olsun, Vətən!
“Ədəbiyyat və incəsənət”
(27.12.2024)
