“Ədəbiyyat və incəsənət” portalı gənc yazar Elşad Baratın şəhidlər barədə silsilə şeirlərinin təqdimini davam etdirir.

Şəhid Qənbər Qənbərli

Qənbər Qənbərli 1993-cü il sentyabrın 10-da Tərtər rayonunun Kəngərli kəndində anadan olub. Ailəli idi. Bir övladı yadigar qaldı.

Azərbaycan Ordusunun baş leytenantı olan Qənbər Qənbərli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ istiqamətində gedən döyüşlərdə savaşıb. Qənbər Qənbərli sentyabrın 27-də Murovdağ döyüşləri zamanı şəhid olub. Uzun müddət nəşi tapıla bilməyib. 22 may 2021-ci ildə nəşi tapılıb və ailəsinə təhvil verilib.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 24.06.2021-ci il tarixli Sərəncamına əsasən Qənbər Qənbərli ölümündən sonra "Vətən uğrunda" medalı ilə təltif edilib.

Kaş kisəninyerinə

Mən ölərdim, deyirəm.

Dahasəndə vətənsən.

Sənlə fəxreləyirəm.

Döyüşdə göstərdiyin

İgidliyinə qurban.

Üzündəkinurabax,

Şəhidliyinə qurban.

Yeddi aydır hardasan?

Hamı yollara baxıb,

Ağladı, susdu səni.

Öpüb Şuşa dağları,

Bağrına basdı səni?

Sən bu xalqın and yeri,

Cəsarət qalasısan,

Dağların dağ qardaşı,

Vətənin balasısan.

Gəlir şəhid xəbəri,

Od üstə od qalanır.

Elə baxma şəkildən

Ürəyim parçalanır.

 “Ədəbiyyat və incəsənət”

(09.08.2024)