Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Çölməkdə zingin hazırlanma qaydasını təqdim edəcəyik. 

Nuş olsun!

DÜSTUR 

§ Zing sümükləri – 400 qr

§ Duz – 6 qr Xörək əlavəsi:

§ sarımsaq – 2 qr 

HAZIRLANMASI:

Bordağ dana və ya kəlçənin (camışın kökəldilmiş balasının) zing sümükləri ətli şəkildə doğranır. Zing – malın maça sümüyü, aşıq sümüklərinin arası deməkdir. Zinglər yuyulub, iri- iri doğranmış halda çölməyə yığılır. Üstünə su tökülüb təndirə sallanır. 3-4 saat keçdikdən sonra təndirdən çıxarıb xaş kimi sarımsaq hazırlayıb üzərinə əlavə olunaraq, süfrəyə verilir. Sarımsaq zing suyu boşqablara çəkildikdən sonra üzərinə gəzdirilir. 

“Ədəbiyyat və incəsənət”

(22.10.2024)