Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Xaşın hazırlanma qaydasını təqdim edəcəyik. 

Nuş olsun!

DÜSTUR (nüsxə):

§ Mal başı – 214 qr

§ Mal ayaqları – 179 qr

§ Qarın – 45 qr

§ Duz – 6 qr

§ İstiot – 0,05 qr

Xörək əlavəsi:

§ sarımsaq – 2 qr 

HAZIRLANMASI:

Xaş Irəvan mətbəxinin sevimlisidir. Xaş üçün hazırlıq bir gün qabaqcadan görülür. Belə ki, malın (heyvanın) başı, dırnaqları ütülür, qarnı təmizlənir, doğranır. Iri, ağzı dar qazana yığılır. Qazanın başından dörd barmaq aşağı olmaq şərtilə soyuq su tökülür. Qazan ya ocaq üzərinə qoyulur, ya da təndirə sallanır. Təndirdə bişirilən xaş ayrı ləzzətə malik olur. Axşamdan təndirə sallanmış xaş səhər üzü qıpqırmızı qı- zarmış, suyu sanki balı, ləti damlayan vəziyyətdə hazır olur.

Səhər tezdən axşamdan sulanmış lavaşla, quru lavaşla, duza qoyulmuş acı bibərlə, ağ turpla süfrəyə verilir.

“Ədəbiyyat və incəsənət”

(18.10.2024)