Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Mal əti bozartmasının hazırlanma qaydasını təqdim edəcəyik. 

Nuş olsun!

DÜSTUR (nüsxə):

§ Mal əti – 237 qr

§ Soğan – 42 qr

§ Pomidor – 85 qr

§ Kartof – 45 qr

§ Kərə yağı – 30 qr

§ Mərzə qurusu – 10 qr

§ Keşniş – 8 qr

§ Şüyüd – 8 qr

§ Reyhan – 8 qr

§ Cəfəri – 8 qr

§ Sarıkök və ya sarıçiçək – 0,1 qr

§ Duz – 4 qr

§ İstiot – 0,05 qr

HAZIRLANMASI:

Mal ətinin bel, qol, döş, boyun hissəsindən götürülür, 60-70 qramlıq tikələrə doğranır, yuyulur, təmizlənir. Qazana yığılır, üzərinə su əlavə olunur. Gur odda bişirilir. Qaynayanda kəfi alınır. Ət bişən zaman tərəvəzlər yuyulur, təmizlənir, soğan halqa, kartof dilim, pomidor xırda kvadrat şəklində doğranır. Göyərtilər də xırda-xərda doğranır. Ət 60-70 faiz bişənə yaxın odun üstündən götürülür. Ət sudan ayrılır, süzülür. Teştə yağ əlavə olunur, əridilir. Ət azacıq tovlanır, üzə- rinə soğan əlavə olunaraq, bir yerdə tovlanır. Sonra pomidor əlavə edilərək tov- lanır. Duz, istiot, sarıçiçək şirəsi, mərzə qurusu, kartof və az miqdarda işgənə əlavə olunur və bişməyə qoyulur. Suyu çəkilib, yağa düşəndə ocaqdan götürü- lür. 5-6 dəqiqə yer dəmi alır. Sonra qablara çəkilir, üzərinə göyərti səpilir və süfrəyə verilir.

“Ədəbiyyat və incəsənət”

(03.10.2024)