Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Mal ətindən şam kababının 

hazırlanma qaydasını təqdim edəcəyik. 

Nuş olsun!

 DÜSTUR

§ Mal əti – 159 qr

§ Quyruq – 25 qr

§ Soğan – 25 qr

§ Pomidor (və ya tomat pastası)

– 15 qr

§ Kartof – 50 qr

§ Yaşıl bibər – 30 qr

§ Kök – 35 qr

§ Kərə yağı – 30 qr

§ Dəfnə yarpağı – 3 qr

§ Reyhan qurusu – 3 qr

§ Sarıçiçək – 0,01 qr

§ Duz – 4 qr

§ İstiot – 0,05 qr

HAZIRLANMASI

Mal ətinə quyruq, duz, istiot, soğan vurulub, qiymə hazırlanır. Tərəvəzlər yuyulur, təmizlənir, xırda doğranır. Kartof kvadrat formada böyük ölçüdə doğranır. Qiymədən lülələr hazırlanır. Yağ qızdırılır və lülələr qızardılır. Sonra tərəvəzlər ardıcıl olaraq kabab- la tovlanır, işgənə (və ya su), duz, isti- ot əlavə edilir və bişməyə qoyulur. Ha- zır olana yaxın dəfnə yarpağı vurulur. Tam hazır olduqda üzərinə reyhan qurusu səpilir.

“Ədəbiyyat və incəsənət”

(01.10.2024)