Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Mal ətindən boz-portunun 

hazırlanma qaydasını təqdim edəcəyik. 

Nuş olsun!

 DÜSTUR (nüsxə):

§ Mal əti (sümüklü) – 300 qr

§ Soğan – 30 qr

§ Cəfəri – 8 qr

§ Reyhan qurusu – 3 qr

§ Duz – 4 qr

§ İstiot – 0,05 qr

Xörək əlavəsi:

§ meyvə turşuları – 20 qr, sarımsaqlı qatıq və ya qurut – 50 qr, sumaq – 3 qr, əzilmiş baş soğan – 12 qr

HAZIRLANMASI:

Mal ətinin qol, kürək, döş, boyun hissəsi 50-60 qramlıq tikələrə doğ- ranır. Yuyulur, xırda sümüklərdən təmizlənir. Ət qazana yığılır, üzərinə su əlavə olunur. Qaynayanda kəfi alı- nır. Ət 60-80 faiz bişdikdə duz, istiot, soğan, göyərti, sarıkök vurulur, tam bişirilir. Hazır olduqda kasa və ya boşqaba çəkilir, üzərinə reyhan quru- su səpilir və süfrəyə verilir. Yanında meyvə turşuları, sarımsaqlı qatıq və ya qurut, sumaq, əzilmiş baş soğan verilir.

  QEYD: İki üsulla hazırlanır: sulu və susuz. Susuz olduqda sarımsaqlı qatıq və

ya qurut xörəyin içərisinə əlavə olunur. Qarışdırılaraq bir buğum qaynadılır və süfrəyə verilir. Tərkibi, əsasən, ətdən və müxtəlif formada doğranmış soğandan ibarətdir.

“Ədəbiyyat və incəsənət”

(30.09.2024)