Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Taskabab mütəncəminin hazırlanma qaydasını təqdim edəcəyik. 

Nuş olsun!

DÜSTUR 

§ Can əti – 159 qr

§ Şabalıd – 50 qr

§ Quyruq – 30 qr

§ Ərinmiş kərə yağı – 20 qr

§ Gilas və ya albalı (təzə və ya

quru) – 40 qr

§ Ərik qurusu – 20 qr

§ Mərzə qurusu – 5 qr

§ Sarıkök – 0,1 qr

§ Zəncəfil – 1 qr

§ Duz – 4 qr

§ İstiot – 0,05 qr

HAZIRLANMASI:

Can ətinin pərdəsi, quru damar hissəsi təmizlənir. Vətərlərin əksinə olaraq, dairə şəklində 2 sm ölçüsündə doğranır. Toxmaqla döyülür, duz, istiot vurulur. Quyruq nazik yarpaq şəklində doğranır, tasa yığılır, qı- zardılır. Qızarıb yağa düşdükdə ət- lər düzülür, hər iki tərəfi qızardılır. Fal-fal doğranmış soğan əlavə edilir, bir yerdə qızardılır. Sonra ardıcıl olaraq şabalıd, ərik qurusu, sürtkəcdən keçirilmiş təzə zəncəfil, duz, istiot, sarıkök, mərzə qurusu əlavə olunur. Sonda albalı və ya gilasın şirəsi sıxı- lır, dənələri ilə birlikdə xörəyə əlavə olunur. Qapaqla bağlanır, 10 dəqiqə ərzində vam odda dəmə qoyulur. Ha- zır olduqda boşqaba çəkilir, üzərinə xırda doğranmış göyərti səpilir və süfrəyə verilir. Plov və çilovlarla da verilə bilər.

QEYD: Albalı şirəsi az olduqda albalı və ya gilas turşusundan (mətindən, rubundan) əlavə olunur. İstəyə görə qızarmış quyruq sonradan çıxarıla bilər.

“Ədəbiyyat və incəsənət”

(23.09.2024)