Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Ədvalarla can əti bükməsinin 

hazırlanma qaydasını təqdim edəcəyik. 

Nuş olsun!

DÜSTUR (nüsxə):

§ Can əti – 214 qr

§ Kərə yağı – 30 qr

§ Mərzə – 3 qr

§ Zəncəfil – 3 qr

§ Cirə – 1 qr

§ Darçın – 0,1 qr

§ Duz – 4 qr

§ İstiot – 0,05 qr

HAZIRLANMASI:

Can əti lazımsız pərdələrdən təmizlənir. Duz, istiot vurulur, hər iki tərəfi qızardılır. Soyuduqdan sonra ərinmiş yağa darçın, üyüdülmüş cirə, zəncəfil, mərzə vurulur, məhlul hazırlanır və qızardılmış ətin üzərinə yaxılır. Sobaya (yaxud kürəyə, təndirə) qoyulur, lazım olduqda çevrilir. Qızarma zamanı ayrılmış şirə üzərinə gəzdirilir. Folqaya bükülsə, daha yaxşı olar. 200°C-də 20-25 dəqiqəyə hazır olur. Sobadan çıxarılır, 5 dəqiqə dincə qoyulur. Sonra doğranır, pay şəklində və ya bütöv halda qoyulur və süfrəyə verilir. Yanında tərəvəz, düyü, paxlalı bitkilər, göyərtilər, sobada bişirilmiş meyvələr qoyulur. Bunlar olmasa da süfrəyə verilə bilər.

“Ədəbiyyat və incəsənət”

(20.09.2024)