Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə İspanaqli can əti qızartmasının hazırlanma qaydasını təqdim edəcəyik. 

Nuş olsun!

DÜSTUR 

§ Can əti – 159 qr

§ İspanaq – 100 qr

§ Quzuqulağı – 50 qr

§ Soğan – 30 qr

§ Keçi pendiri – 50 qr

§ Kərə yağı – 30 qr

§ Duz – 4 qr

§ İstiot – 0,05 qr

Xörək əlavəsi:

§ qatıq – 50 qr, sarımsaq – 2 qr, meyvə turşusu – 50 qr

HAZIRLANMASI:

Can əti 30-35 qramlıq kvadrat şəklində doğranır. Yağda qızardılır, sonra soğanlar kvadrat şəklində doğranır, ətlə birlikdə tovlanır. Göyərtilər ayrıca tavada qızardılır. Bütün ərzaqlar bir tavaya yığılır, duz, istiot, ədviyyat vurulur və qarışdırılır (tovlanır). Son- ra keçi pendiri sürtkəcdən keçirilir, xörəyin üzərinə əlavə olunur. 200°C- də 10-25 dəqiqə müddətinə bişirilir. Yanında sarımsaqlı qatıq, meyvə turşusu (məti) verilir.

“Ədəbiyyat və incəsənət”

(17.09.2024)