Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Dana ətindən döymə lülənin  hazırlanma qaydasını təqdim edəcəyik. 

Nuş olsun!

DÜSTUR 

§ Yumşaq dana əti – 159 qr

§ Quyruq – 25 qr

§ Soğan – 25 qr

§ Zəncəfil – 2 qr

§ Darçın – 0,2 qr

§ Duz – 4 qr

§ İstiot – 0,05 qr

Xörək əlavəsi:

§ soğan – 20 qr, göyərti (cəfəri, reyhan) – 10 qr, sumaq – 5 qr, dənələnmiş nar – 15 qr, lavaş – 15 q

QEYD: Döymə lülə heyvanın bud, bel (antrikot), can əti hissəsindən hazırlanır. Quyruqla ətin nisbəti dəyişə bilər. Bütün kabablarla halqavarı, aypara şəklində nazik doğranmış qırmızı baş soğan, göyərti, dənələnmiş nar qarışığı verilir. Süfrəyə yanında meyvə turşuları, tərəvəz turşuları, göyərti ilə verilə bilər.

HAZIRLANMASI:

Dana əti, quyruq xırda tikələrə doğranır, duz, istiot, ədviyyat vurulur. Ağac kötüyünün üzərində qiy- məkeşlə döyülür, sonra doğranmış soğan əlavə olunur və qarışana qədər birlikdə döyülür. Qiymədən kündələr tutulur, soyuq yerdə saxlanılır. Sonra hər paya 200 qr qiymə olmaqla lülə şişlərinə taxılır. Qiymə şişin üzərində 2 və ya 4 yerə bölünür. Manqalda közün üzərində ardıcıl çevrilərək qı- zardılır. Hazır olduqda lavaşa bükülür və ya lavaş boşqaba qoyulur, üzərinə lülələr düzülür, göyərti, soğan, nar, sumaq səpilir və süfrəyə verilir.

Ədəbiyyat və incəsənət”

(13.09.2024)