Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Qoyun qarnında kəlləpaçanın 

hazırlanma qaydasını təqdim edəcəyik. 

Nuş olsun!

DÜSTUR 

§ Qoyun qarnı – 45 qr

§ Qoyun kəlləpaçası – 214 qr

§ Duz – 6 qr

§ İstiot – 0,05 qr

Xörək əlavəsi:

§ sirkə – 10 qr, sarımsaq – 2 qr, meyvə turşuları (məti) – 20 qr, tərəvəz turşuları – 20 qr,

nar dənələri – 15 qr,

göyərti – 10 qr, təndir çörəyi

QEYD: Bu xörək pay şəklində, ayrıca parça şəklində doğranmış qarına bükülüb, ağzı boğça şəklində bağlanaraq bişirilə bilər.

HAZIRLANMASI:

Kəlləpaça yuyulur, təmizlənir, doğ- ranır. Qarın yenidən bütöv halda isti suda yuyulur, təmizlənir. Kəlləpaça qarının içinə yerləşdirilir, duz, istiot vurulur. Kəsik yerlər möhkəm bağla- nır. Qazana yığılır, üzərinə çıxana qə- dər su əlavə olunur və bişməyə qoyu- lur. Vam odda 2,5-3,5 saat müddətində bişirilir. Qazanın ağzı bağlı saxlanılır. Süfrəyə bütöv halda verilir. Sirkə, sa- rımsaq, meyvə turşuları (məti), tərəvəz turşuları, nar dənələri, göyərti, təndir çörəyi ilə süfrəyə verilir.

“Ədəbiyyat və incəsənət”

(11.09.2024)