Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Quzu ətindən döymə lülənin 

hazırlanma qaydasını təqdim edəcəyik. 

Nuş olsun!

 DÜSTUR 

§ Quzu əti – 237 qr

§ Quyruq – 20 qr

§ Soğan – 17 qr

§ Duz – 4 qr

§ İstiot – 0,05 qr

Xörək əlavəsi:

§ soğan – 20 qr, göyərti – 10 qr, sumaq – 5 qr

HAZIRLANMASI

Quzu əti və quyruq doğranır, duz, istiot vurularaq kötüyün üstündə qiyməkeşlə döyülür. Sonra xırda doğranmış baş soğan əlavə edilir və bir yer- də döyülür. Qiymə şəklində olduqda yaxşıca qarışdırılır, yenidən əllə dö- yülür. Özünü tutması üçün sərin yer- də saxlanılır. Manqal hazırlanır. Köz olduqda hər şişə 200 qr döymə qiymə yığılır, 2 və ya 4 yerə bölünür, közün üzərinə qoyulur. Bir neçə dəfə çevrilir, içi bişdikdən sonra manqaldan götürülür. Boşqaba lavaş qoyulur, üzərinə lülələr yığılır və ya lülələr lavaşa bükülür. Yanında doğranmış soğan, göyərti qarışığı qoyulur, üzərinə su- maq səpilir və süfrəyə verilir. Bişmə müddəti 12-15 dəqiqədir.

“Ədəbiyyat və incəsənət”

(06.09.2024)