Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Bibərli quzu soyutmasının hazırlanma qaydasını təqdim edəcəyik. 

Nuş olsun!

DÜSTUR 

§ Quzu əti – 300 qr

§ Kök – 35 qr

§ Yaşıl bibər – 25 qr

§ Soğan – 30 qr

§ Göyərti (cəfəri, keşniş, şüyüd) – 8 qr

§ Quru mərzə – 3 qr

§ Dəfnə yarpağı – 3 qr

§ Sarıçiçək – 0,1 qr

§ Duz – 4 qr

§ İstiot (dənəvər) – 0,05 qr

Xörək əlavəsi:

§ sarımsaq – 2 qr, qurut və ya qatıq – 30 qr, işgənə – 40 qr

HAZIRLANMASI:

Quzunun qol, kürək, boyun, oynaq yerlərindən ayrılmış böyük tikələr götü- rülür. Ət yuyulub-təmizlənir. Qazana yığılır, üzərinə su əlavə olunur və bişməyə qoyulur. Qaynayanda kəfi alınır. Ət 60-70 faiz bişdikdə kök, bibər çubuq, dairə və s. şəklində doğranır, qazana ətin üzərinə yığılır. Balaca soğanlar soyulur və əlavə olunur. Göyərti bütöv dəstə şəklində yuyulur, təmizlənir, əlavə olunur. Sonra dəfnə yarpağı, sarıçiçək şirəsi əlavə edilir və bişməyə qoyulur. Tam hazır olduqda dadına baxılır və ocaqdan götürülür. Sonra üzəri tərəvəzlərlə bəzənir, mərzə səpilir və süfrəyə verilir. Ət ayrıca boşqaba çəkilir. Yanında sarımsaq, qurut və ya qatıq, o cümlədən xörəyin işgənəsindən verilir.

Ədəbiyyat və incəsənət”

(03.09.2024)