Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Quzu əti qiyməsindən mütəncəmin hazırlanma qaydasını təqdim edəcəyik. 

Nuş olsun!

 DÜSTUR:

§ Quzu əti – 159 qr

§ Quyruq – 20 qr

§ Soğan – 35 qr

§ Kərə yağı – 25 qr

§ Paxla – 50 qr

§ Alma qurusu (qaxı) – 20 qr

§ Axta zoğal – 20 qr

§ Badam – 20 qr

§ Keşniş – 8 qr

§ Mərzə qurusu – 5 qr

§ Təzə zəncəfil – 2 qr

§ Sarıkök – 0,1 qr

§ Duz – 4 qr

§ İstiot – 0,05 qr

QEYD: 

Müsəmmələr, mütəncəmlər, əsasən, çöl heyvanlarından, çöl quşlarından hazırlanır. Əsasən, soyuq qış aylarında bişirilir. Ov heyvanlarını tapmaq çətin olduqda ev quşları və heyvanlarından hazırlana bilər. Demək olar ki, bütün fəsillərdə hazırlanır, sadəcə olaraq, tərkibi dəyişir.

HAZIRLANMASI:

Yağlı yumşaq quzu ətinə quyruq, soğan, duz, istiot vurulur, ətçəkən maşından keçirilir. Qiymə yaxşıca qarışdırılır, daha yaxşı qarışması və ya- pışqanlılığın artması üçün döyülür. Küftəciklər hazırlanır, yastılanır və diametri 6-7 sm, qalınlığı 2-2,5 sm öl- çüdə yarımfabrikat alınır. Küftəciklər una batırılır, hər iki tərəfi qızardılır. Fal-fal doğranmış soğan eyni tavada qızardılır. Paxla əvvəlcədən isladılır, qabığı təmizlənir, yarı bişirilir. Alma qaxı, badam, axta zoğal yuyulur, lay- lay qazana düzülür. Duz, istiot, sürt- kəcdən keçirilmiş zəncəfil, sarıkök, mərzə qurusu, işgənə əlavə olunur və qazanın qapağı bağlanır, vam odda bişməyə qoyulur. Suyu çəkildikdə ocaqdan götürülür və 5 dəqiqə yer dəmi alır. Sonra boşqaba çəkilir, üzə- rinə xırda doğranmış göyərti səpilir və süfrəyə verilir. Süfrəyə yanında dahar, meyvə turşusu, meyvə məti, göyərti verilir. Plov və çilovlarla da verilə bilər.

“Ədəbiyyat və incəsənət”

(23.08.2024)