Rubrikanı Könül aparır.
“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır.
Bu gün sizlərə Quzu əti ilə badımcan müsəmməsinin hazırlanma qaydasını təqdim edəcəyik.
Nuş olsun!
DÜSTUR
§ Quzu əti – 159 qr
§ Soğan – 84 qr
§ Kərə yağı – 25 qr
§ Badımcan – 170 qr
§ Zeytun yağı – 20 qr
§ Müxəşşər – 30 qr
§ Abqora – 10 qr
§ Limon suyu – 10 qr
§ Sarımsaq – 2 qr
§ Sarıkök – 0,1 qr
§ Zəncəfil – 2 qr
§ Duz – 4 qr
§ İstiot – 0,05 qr
HAZIRLANMASI:
Quzu əti 35-40 qramlıq tikələrə doğranır. Suda yarı bişirilir, ətlər sudan çıxarılır, işgənəsi süzülür, əvvəlcədən kəfi mütləq alınır. Tavaya yağ əlavə edilir, ət qızardılır. Sonra kvad- rat şəklində doğranmış soğanla bir yerdə qızardılır. Soğanın rəngi qıza- rana yaxın xırda doğranmış sarımsaq, əvvəlcədən isladılmış yarı bişirilmiş müxəşşər, duz, istiot, sarıkök, darçın əlavə olunur, qarışdırılır. Daha sonra işgənə əlavə olunur, ağzı bağlanır və vam odda bişirilir. Tam bişib yağa düş- dükdə abqora əlavə olunur, qarışdı- rılır və çıxarılır. Ağzı bağlı şəraitdə 5 dəqiqə yer dəmi alır. Badımcan zolaqlı soyulur, duzlu suya qoyulur, üzərinə ağır əşya qoyulur və acı suyu çıxarılır. Yağda hər iki tərəfi qızardılır, dəsma- lın və ya salfetin üzərinə yığılır. Üzərinə limon suyu əlavə olunur.
Müsəmmə süfrəyə veriləndə buluda çəkilir, badımcanlar üzərinə düzülür. Bu xörəyi süfrəyə həm ayrı, həm
Müsəmmə süfrəyə veriləndə buluda çəkilir, badımcanlar üzərinə düzülür. Bu xörəyi süfrəyə həm ayrı, həm də plov, çilovla vermək olar.
“Ədəbiyyat və incəsənət”
(22.08.2024)
