Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Hinduşka kababının hazırlanma qaydasını təqdim edəcəyik. 

Nuş olsun!

 DÜSTUR 

§ Hinduşka – 205 qr

§ Kərə yağı – 15 qr

§ İçalat – 50 qr

§ Duz – 4 qr

§ İstiot – 0,05 qr

Xörək əlavəsi:

§ soğan – 20 qr, göyərti (cəfəri) – 8 qr, sumaq – 5 qr, dənələnmiş nar – 15 qr

HAZIRLANMASI:

Hinduşkanın tükləri alovda ütü- lür, sonra oynaq hissələrindən 80-100 qramlıq tikələrə doğranır. Üzərində olan xırda piyləri, artıq dərisi çıxarı- lır. Piy və dəri əridilir, yağ hazırlanır və kərə yağı ilə qarışdırılır. Tikələr şişlərə taxılır, duz, istiot vurulur, manqala qoyulur. Bişirən zaman ardı- cıl olaraq çevrilir və hər dəfə hazırlanmış yağ məhlulu fırça ilə kababların üzərinə sürtülür. Bu həm kababların yaxşı bişməsinə, qızarmasına, həm də dadlı olmasına səbəb olur. Süfrəyə verilmə qaydası eynidir. Yanında hinduşkanın içalatı da verilir.

QEYD: Kabab bişirmək üçün hinduşka yaxşı bəslənməlidir, yaşı bir ildən yuxarı olmamalı, çəkisi 1,0-1,8 kq olmalıdır. Fərə olsa, kabab və lülə yumşaq alınar. Əsasən, soyuq aylarda yeyilir. Yaşı bir ildən yuxarı, çəkisi çox olan su və quruda yaşayan ev quşlarından:

xoruz, iri toyuq, hinduşka,

qaz, ördək və s.-dən sobada, təndirdə (bütöv halda) buğlama, bozartma, bozbaş, pörtləmə, soyutma, qiyməsindən müxtəlif yeməklər bişirilir.

“Ədəbiyyat və incəsənət”

(20.08.2024)