Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Hinduşka lüləsinin hazırlanma qaydasını təqdim edəcəyik. 

Nuş olsun! 

 DÜSTUR

§ Hinduşka – 250 qr

§ Soğan – 17 qr

§ Quyruq – 50 qr

§ Duz – 4 qr

§ İstiot – 0,05 qr

Xörək əlavəsi:

§ soğan – 20 qr, göyərti – 8 qr, sumaq – 5 qr,

dənələnmiş nar – 15 qr, lavaş – 15 qr

HAZIRLANMASI:

Hinduşka sümükdən təmizlənir, piyi, bəzi dəri hissələri çıxarılır. Təmizlənmiş ət hissəsinə quyruq, soğan, duz, istiot, vurulur, ət maşınında çəkilir. Hazır qiymə kündələnir, döyülür, sərin yerdə saxlanılır. Hər paya 200 qr olmaq şərtilə şişlərə taxı- lır. Hər şişdə qiymə 4 və ya 2 yerə bö- lünür, qızardılır, süfrəyə verilir

Lüləkababın şişə keçirilmə üsulu:

I üsul: 200 qramlıq kündə lülə şi- şinə taxılır, yayılır, 2 və ya 4 yerə bölünür, qızardılır.

II üsul: 2 ədəd 100 qramlıq kün- də şəklində şişə taxılır, şişə yayılır, bişirilir.

III üsul: 4 ədəd 50 qramlıq kündə şəklində şişə yayılır, qızardılır. Hər bir şiş çəkisindən asılı olaraq, 1 pay sayılır. Hər paya 200 qr nəzərdə tutulur.

“Ədəbiyyat və incəsənət”

(16.08.2024)