Rubrikanı Könül aparır.
“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır.
Bu gün sizlərə Narinc şirəli hinduşka mütəncəminin hazırlanma qaydasını təqdim edəcəyik.
Nuş olsun!
DÜSTUR
§ Hinduşka – 200 qr
§ Qırmızı soğan – 30 qr
§ Ərinmiş kərə yağı – 20 qr
§ Narınc (portağal) – 60 qr
§ Qoz – 15 qr
§ Badam – 15 qr
§ Ərik qurusu – 15 qr
§ Sarı gavalı – 10 qr
§ Zəncəfil (təzə) – 10 qr
§ Sarıkök – 0,1 qr
§ Mərzə qurusu – 3 qr
§ Göyərti – 8 qr
§ Duz – 4 qr
§ İstiot – 0,05 qr
HAZIRLANMASI:
Hinduşkanın xırda tükləri alovda ütülür. Oynaq hissələrindən tikələrə bölünür, böyük tikələr yarıya bölünür, yuyulur, təmizlənir və suda qaynadılır. Qaynadıqda kəfi yığılır. Ət yarıdan çox – 60-70% bişdikdə sudan çıxarılır, işgənəsi ələkdən süzülür. Qalın çuqun tavada (və ya mis teştdə) yağ əridilir, hinduşka tikələri yağda qızardılır. Sonra halqa şəklində doğ- ranmış soğan əlavə edilir və birlik- də qızardılır. Soğan qızarana yaxın duzlu qaynar suda isladılmış, qabığı təmizlənmiş badam, qaynar suda isladılmış qoz ləpəsi, yarıya bölünmüş ərik qurusu, tumu təmizlənmiş al- buxara, duz, istiot, sarıkök, sürtkəcdən keçirilmiş zəncəfil, mərzə quru- su əlavə olunur. 4-5 dəqiqə tovlanır. Sonra sıxılmış narınc şirəsi əlavə olunaraq, 6-8 dəqiqə bişirilir. Vam odda 8-10 dəqiqə qalır, hazır olduqda ocaq- dan götürülür və 5 dəqiqə yer dəmi alır. Boşqaba çəkilir, üzərinə xırda doğranmış göyərti səpilir və süfrəyə verilir. Plov və çilovlarla da verilə bilər. Bişmə müddəti 1,5 saatdır.
QEYD: Mütəncəmin bişmə müddəti hinduşkanın qoca və ya cavan olmasından asılıdır.
“Ədəbiyyat və incəsənət”
(15.08.2024)
