Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Ördəklə qora mütəncəminin

hazırlanma qaydasını təqdim edəcəyik. 

Nuş olsun! 

DÜSTUR 

§ Ördək (ev ördəyi) – 200 qr

§ Soğan – 35 qr

§ Kərə yağı – 35 qr

§ Qora – 25 qr

§ Qoz ləpəsi – 25 qr

§ Nar – 40 qr

§ Göyərti – 8 qr

§ Sarımsaq – 2 qr

§ Sarıkök – 0,1 qr

§ Zəncəfil – 1 qr

§ Duz – 4 qr

§ İstiot – 0,05 qr

HAZIRLANMASI:

Təmizlənmiş ev ördəyinin xırda tükləri alovda ütülür. Oynaq hissələrindən tikələrə bölünür, artıq dəri, xırda sümüklər çıxarılır, yuyulur. Qa- zanda su qaynadılır, doğranmış ördək hissələri qazana yığılır, yarı bişirilir. Hazır olduqda ətlər sudan çıxarılır, işgənəsi ələkdən süzülür. Münasib qazanda (tavada, teştdə) kərə yağı əridilir, yarıbişmiş ətlər qızardılır. Sonra aypara şəklində doğranmış soğanla birlikdə qızardılır. Sonra üzərinə əzil- miş qora, xırda doğranmış sarımsaq, isladılıb təmizlənmiş qoz ləpəsi, duz, istiot, sarıkök, sürtkəcdən keçirilmiş təzə zəncəfil, ördək işgənəsi əlavə olunur və qarışdırılır. Qazanın ağzı bağlanır və vam odda bişirilir. Sonda xörəyə nar dənələri əlavə olunur, qarışdırılır və ocaqdan götürülür. Ağzı bağlı vəziyyətdə 5-6 dəqiqə yer dəmi alır. Son- ra boşqaba çəkilir, üzərinə doğranmış göyərti səpilir və süfrəyə verilir. Bu müsəmmə də plov və çilovlarla süfrəyə verilə bilə

“Ədəbiyyat və incəsənət”

(09.08.2024)