Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Tutlu cücə mütəncəminin

hazırlanma qaydasını təqdim edəcəyik. 

Nuş olsun! 

DÜSTUR 

§ Cücə – 200 qr

§ Ərinmiş kərə yağı – 35 qr

§ Qırmızı soğan – 32 qr

§ Xartut – 25 qr

§ Ağ tut – 25 qr

§ Qoz ləpəsi – 32 qr

§ Püstə – 15 qr

§ Müxəşşər – 15 qr

§ Qara tütün şirəsi – 15 qr

§ Təzə zəncəfil – 10 qr

§ Sarıkök – 0,1 qr

§ Quru mərzə – 3 qr

§ Duz – 4 qr

§ İstiot – 0,05 qr

HAZIRLANMASI:

Təmizlənmiş cücələrin xırda tükləri alovda ütülür. Oynaq hissələrindən tikələrə doğranır, yuyulur, təmizlənir. Yağ əridilir, əvvəlcədən duz, istiot vurulmuş cücə hissələrinin hər iki tərəfi qızardılır. Halqa şəklində doğranmış soğan əlavə olunur, birlikdə qızardılır. Soğan qızarana yaxın, yarı bişirilmiş müxəşşər, qaynar suda isladılmış qoz ləpəsi, duz, istiot, sarıkök, sürtkəcdən ke- çirilmiş zəncəfil, mərzə qurusu əlavə edilir, bir yerdə bişirilir. Sonra saplaqları təmizlənmiş tut əlavə olunur və qızardılır. Yağa düşənə yaxın xartutun şirəsi əlavə olunur, ehtiyatla qarışdırılır. Tavanın qapağı qoyulur, 5 dəqiqə müddətində vam odda bişirilir. Hazır olduqda 5 dəqiqə yer dəmi alır. Boşqaba çəkilir, üzərinə doğranmış püstə səpilir və süfrəyə verilir. Xörəyin bişmə müddəti 25-30 dəqiqədir. Ayrıca və ya çilovlarla da süfrəyə verilə bilər.

“Ədəbiyyat və incəsənət”

(08.08.2024)