Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Döymə çolpa kababının

hazırlanma qaydasını təqdim edəcəyik. 

Nuş olsun! 

DÜSTUR 

§ Çolpa – 187 qr

§ Bitki yağı – 15 qr

§ Pomidor və ya tomat pastası –

10 qr

§ Sarıkök – 0,2 qr

§ Duz – 4 qr

§ İstiot – 0,05 qr

Xörək əlavəsi:

§ soğan – 20 qr, göyərti (cəfəri) – 8 qr, sumaq – 5 qr, dənələnmiş nar – 15 qr, lavaş – 15 qr

HAZIRLANMASI:

2 üsulla hazırlanır.

I üsul: Çolpa ütülür, 4 hissəyə bölünür. Xırda sümüklər, dərisi çıxarılır. Duz, istiot, xırda doğranmış pomidor və ya tomat, bitki yağı, sarıkök vuru- lur və qarışdırılır, 1-2 saat saxlanılır. Sonra şişdə və ya dəmir torda manqalda (və ya təndirdə) bişirilir. Üzərinə az miqdarda kərə yağı çəkilir.

II üsul: Çolpanın xırda tükləri alovda ütülür, yuyulur, təmizlənir, çinədanı təmizlənir, yuyulur. Çolpa bütöv halda toxmaqla döyülür. Eyni qaydada basdırma edilir. Sonra dəmir tora qoyulur və közdə qızardılır. Bişdikdən sonra dörd yerə bölünür və süfrəyə verilir. Yanında bişmiş pətənək, ürək, ciyəri də verilir.

“Ədəbiyyat və incəsənət”

(07.08.2024)