Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Toyuqla zoğal müsəmməsinin hazırlanma qaydasını təqdim edəcəyik.

DÜSTUR 

§ Toyuq əti – 159 qr

§ Soğan – 35 qr

§ Ərinmiş kərə yağı – 30 qr

§ Zoğal – 50 qr

§ Badam – 25 qr

§ Axta zoğal – 25 qr

§ Şəkər tozu – 10 qr

§ Sarımsaq – 2 qr

§ Limon – 10 qr

§ Sarıkök – 0,2 qr

§ Duz – 4 qr

§ İstiot – 0,05 qr

HAZIRLANMASI:

Toyuq ütülür, oynaq hissələrindən tikələrə doğranır, yuyulur. Xırda sümükləri, dərisi təmizlənir. Tavada (qazanda) yağ əridilir və doğranmış toyuq yarı qızardılır. Üzərinə aypa- ra şəklində doğranmış soğan, xırda doğranmış sarımsaq əlavə edilir və bir yerdə qızardılır. Soğan qızarana yaxın təmizlənmiş badam, yuyulmuş axta zoğal, duz, istiot, sarıkök, zən- cəfil vurulur və səliqə ilə qarışdırılır. Üzərinə su və ya toyuq işgənəsi əlavə olunur, ağzı bağlanır və vam odda bişirilir. Tam bişdikdə 5 dəqiqə müddətində yer dəmi alır. Həmin müddət ərzində zoğal təmizlənir. Üzərinə yağ, şəkər tozu əlavə olunur, tavada və ya sobada qızardılır. Hazır xörək buluda çəkilir, üzərinə günbəz şək- lində qızardılmış zoğal düzülür, limon sıxılır və süfrəyə verilir. Toyuqla zoğal müsəmməsi ayrıca, həm də çilov və plovlarla verilə bilər.

Nuş olsun!

“Ədəbiyyat və incəsənət”

(01.08.2024)