Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Toyuq bozartmasının hazırlanma qaydasını təqdim edəcəyik.

DÜSTUR 

§ Toyuq əti – 200 qr

§ Soğan – 50 qr

§ Yaşıl bibər – 35 qr

§ Acı bibər – 15 qr

§ Təzə alça – 35 qr

§ Sarıçiçək şirəsi – 0,1 qr

§ Reyhan və ya mərzə qurusu –

3 qr

§ Duz – 4 qr

§ İstiot – 0,05 qr

Xörək əlavəsi:

qatıq – 50 qr, sarımsaq – 3 qr

HAZIRLANMASI:

Toyuq təmizlənir, ütülür, yuyulur, hissələrə doğranır, pətənəyi də təmizlənir, yuyulur. Qazana yığılır, üzərinə su əlavə olunur, bişirilir, qaynadıq- da kəfi alınır. Yarı bişdikdə aypara şəklində doğranmış soğan, bibərlər, alça, duz, mərzə qurusu, sarıçiçək, kərə yağı əlavə olunur və bişirilir. Suyu azaldıqda və ət bişdikdə dadına baxılır və ocaqdan götürülür. Xörəyin suyu tam qurumamalıdır. Dərin boşqaba çəkilir, yanında sarımsaqlı qatıq verilir. Bişmə müddəti 1-1,5 saatdır. Üzərinə reyhan qurusu səpilir.

Nuş olsun!

“Ədəbiyyat və incəsənət”

(30.07.2024)