Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Üzüm yarpağı ilə balıq buğlamasının hazırlanma qaydasını təqdim edəcəyik.

DÜSTUR:

§ Balıq – 175 qr

§ Üzüm yarpağı – 40 qr

§ Soğan – 25 qr

§ Səbzi – 30 qr

§ Cəfəri – 30 qr

§ Tomat pastası – 10 qr

§ Kartof – 10 qr

§ Yağ – 25 qr

§ Duz – 4 qr

HAZIRLANMASI:

Balıq təmiz yuyulur, qəlsəmələri çıxarılır. Təmizlənmiş balıq tikələrə doğranır və duz-istiot vurulur. Təzə zərif üzüm yarpağı yığılır. Yarpaq, soğan, səbzi (kəvər), cəfəri xırda doğranır. Duz, istiot, tomat vurulur və qa- rışdırılır. Kartof halqavarı doğranır və qazana düzülür. Üzərinə balıq və yarpaqla hazırlanmış qatqı düzülür. Balığın başına yuxarıda adları çəkilən göyərtilər doldurulur. Üzərinə yağ və su əlavə edilir. Qazanın qapağı örtülür və vam odda bişirilir.

Nuş olsun! 

Ədəbiyyat və incəsənət”

(25.07.2024)