Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə İçi tərəvəzlə doldurulmuş sıf baliğının (sobada) hazırlanma qaydasını təqdim edəcəyik.

 DÜSTUR

§ Balıq – 183 qr

§ Şirin bibər – 25 qr

§ Acı bibər – 15 qr

§ Heyva – 35 qr

§ Soğan – 30 qr

§ Pomidor – 35 qr

§ Cəfəri – 10 qr

§ Mərzə (və ya qurusu) – 10 qr

§ Kərə yağı – 30 qr

§ Bitki yağı – 10 qr

§ Palçıq turşu – 10 qr

§ İstiot – 0,05 qr

§ Duz – 4 qr

HAZIRLANMASI:

Sıf balığı təmizlənir, yuyulur, duz, istiot, palçıq turşu, bitki yağı vurulur. 2-3 saat ərzində saxlanılır. Tərəvəzlər, heyva, göyərtilər yuyulur, təmizlənir, xırda doğranır və qarışdırılır. Içəri- sinə duz, kərə yağı, palçıq turşu vuru- lur və qarışdırılır. Hazırlanmış içlik balığın içinə doldurulur. Isidilmiş so- bada 180-200°C-də 30-35 dəqiqə ərzin- də bişirilir. Müxtəlif növ meyvələrlə bəzədilir və süfrəyə verilir.

QEYD: Bu xörək də közdə, təndirdə, kürədə, sobada hazırlana bilər.

“Ədəbiyyat və incəsənət”

(05.07.2024)