Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Küncütlü sıf baliğı qızartmasının hazırlanma qaydasını təqdim edəcəyik.

 DÜSTUR:

§ Balıq – 183 qr

§ Küncüt – 25 qr

§ Palçıq turşu – 10 qr

§ Bitki yağı – 10 qr

§ Kərə yağı – 30 qr

§ İstiot – 0,05 qr

§ Duz – 4 qr

Xörək əlavəsi:

§ limon – 15 qr, nar – 10 qr, narşərab – 5 qr

HAZIRLANMASI:

Sıf balığı təmizlənir, yuyulur, onurğa sümüyü çıxarılır, 100 qramlıq tikələrə bölünür. Duz, istiot, palçıq turşu və bitki yağı vurulur. 1-2 saat müddətində saxlanılır. Əridilmiş yağda balığın hər iki tərəfi qızardılır, yağı süzülür və üzərinə küncüt səpilir. 5-10 dəqiqə müddətində 180- 200°C-də sobada bişirilir. Bişirilmiş düyü, tərəvəz, həmçinin qızardılmış və ya bişirilmiş meyvə ilə süfrəyə verilə bilər. Yanında limon, nar dənəsi, narşərabla süfrəyə verilir.

QEYD: Bu xörək də ocaqda, közdə, təndirdə, kürədə bişirilə bilər.

Nuş olsun!

“Ədəbiyyat və incəsənət”

(04.07.2024)