Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə İçi tərəvəzlə doldurulmuş xan balığının hazırlanma qaydasını təqdim edəcəyik.

DÜSTUR (nüsxə):

§ Balıq – 183 qr

§ Soğan – 25 qr

§ Pomidor – 40 qr

§ Bolqar bibəri – 25 qr

§ Acı bibər – 25 qr

§ Cəfəri – 11 qr

§ Alça (və ya quru alça) – 10 qr

§ Kərə yağı – 15 qr

§ Duz – 4 qr

Xörək əlavəsi:

§ limon – 15 qr, narşərab – 5 qr, nar turşusu – 5 qr

HAZIRLANMASI:

Xan balığı təmizlənir, yuyulur və qurudulur. Onurğa sümüyü çıxarılır. Duz, istiot vurulur. 1-2 saat ərzində saxlanılır. Tərəvəzlər xırda saman- varı şəkildə doğranır. Duz, kərə yağı, alça turşusu vurulur və qarışdırılır. Hazırlanmış qarışıq balığın içinə dol- durulur. 20-25 dəqiqə ərzində 180°C- də sobada bişirilir. Hazır olduqda boşqaba qoyulur, üzəri bəzənib süfrəyə verilir. Yanında limon, narşərab, nar turşusu da verilir.

Nuş olsun!

“Ədəbiyyat və incəsənət”

(02.07.2024)