Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə fərqli reseptlə Boranı çığırtmasının hazırlanma qaydasını təqdim edəcəyik.

DÜSTUR 

§ Boranı – 150 qr

§ Noxud – 25 qr

§ Lobya – 25 qr

§ Çil lobya – 25 qr

§ Qara gavalı – 25 qr

§ Soğan – 20 qr

§ Yağ – 50 qr

§ Şəkər tozu – 30 qr

§ Duz – 4 qr

HAZIRLANMASI:

Boranının qabığı soyulur, xırda doğranır, tavaya yığılır və üzərinə su əlavə olunur. Suya noxud, lobya, çil lobya, qara gavalı əlavə olunur və bişirilir. Ərzaqlar bişdikdə üzərinə qızardılmış soğan, şəkər tozu əlavə olunur, əzilir və qarışdırılır.

Nuş olsun!

“Ədəbiyyat və incəsənət”

(07.06.2024)