Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Salmanca qovurmasının 

hazırlanma qaydasını təqdim edəcəyik.

ƏRZAQLAR:

§ Salmanca – 130 qr

§ Soğan – 26 qr

§ Yağ – 30 qr

§ Duz – 4 qr

Xörək əlavəsi:

§ qatıq – 50 qr, sarımsaq – 2 qr 

HAZIRLANMASI:

Bu çöl bitkisi yığılır, yuyulur və ləyənə yığılır. Baş soğan bol yağda qovrulur, salmancalar aramla qazana yığılır. Ağzı örtülür və vam odda bişirilir. Arabir qarışdırılır. Suyu quru- yub yağa düşdükdə ocaqdan götürülür. Süfrəyə sarımsaqlı qatıqla verilir. Çox ləzzətli, xırçıltılı bir xörək alınır.

Salmancaya unnuca da deyilir. Qarabağ mətbəxində dovğaya əlavə olunur. Bəzi yerlərdə yağlı tərə adlanan bu göyərti dovğaya qaymaq dadı verir.

Nuş olsun!

“Ədəbiyyat və incəsənət”

(22.05.2024)