Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Küftənin hazırlanma qaydasını təqdim edəcəyik. 

 DÜSTUR 

§ Ət – 130 qr

§ Kartof – 125 qr

§ Düyü – 17 qr

§ Soğan – 18 qr

§ Tomat pastası – 10 qr

§ Noxud – 28 qr

§ Alça – 11 qr

§ Duz – 6 qr

Xörək əlavəsi:

§ quru nanə – 0,1 qr

HAZIRLANMASI:

Noxud, düyü, soğan və ət daş üzə- rində toxmaqla döyülür (bəzən isə noxud ayrı bişirib, düyü çiy döyülür). Duz, istiot, tomat və mərzə vurulur. Qoyun ətindən istifadə etdikdə küftələr dağılmasın deyə 1 yumurta da əlavə oluna bilər. Bu ət qarışığından küftələr hazırlanır. Alça suda isladılır, küftənin içinə qoyulur. Küftələr işgənəyə əlavə edilir və vam odda bişirilir. Bişənə yaxın kartof əlavə edilir. Əgər kartof kiçik ölçüdədirsə, bütöv halda atılır. Üzərinə quru nanə səpilir və süfrəyə verilir.

QEYD: Əgər ətin içinə noxud

az vurulubsa, öncədən bişirilmiş noxuddan yeməyin suyuna əlavə edilir.

Nuş olsun!

“Ədəbiyyat və incəsənət”

(19.04.2024)