Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Qoyun ətindən parçabozbaşın hazırlanma qaydasını təqdim edəcəyik. 

 DÜSTUR:

§ Qoyun əti – 117 qr

§ Kartof – 113 qr

§ Pomidor (və ya tomat) – 42 qr

§ Soğan – 25 qr

§ Noxud – 25 qr

§ Quru və ya təzə alça – 10 qr

§ Sarıçiçək – 0,1 qr

§ Duz – 6 qr

§ İstiot – 0,05 qr

Xörək əlavəsi:

§ quru reyhan – 10 qr, sumaq – 10 qr, meyvə turşusu (məti) – 30 qr, qırmızı soğan – 50 qr

HAZIRLANMASI:

Sümüklü qoyun əti 40-50 qramlıq tikələrə doğranır. Xırda sümüklərdən təmizlənir, yuyulur, saxsı küp, qazan və ya çölməyə yığılır. Üzərinə su və ya işgənə əlavə olunaraq, bişməyə qoyulur. Qaynadıqca kəfi yığılır. Kartof təmizlənir, yuyulur. Noxud əvvəlcədən isladılır və ətin kəfi alındıqdan sonra əlavə edilir. Ət və noxud bişənə yaxın qalan ərzaqlar: xırda doğranmış və ya xırda bütöv soğanlar, alça, dilimlərə doğranmış pomidor əlavə olunur və bişirilir. Sonda duz, istiot, ədviyyatlar vurulur. Süfrəyə verərkən yanında quru reyhan (və ya xırda doğranmış təzə), sumaq, meyvə turşusu (məti), əllə əzilmiş qırmızı baş soğan qoyulur.

Nuş olsun!

“Ədəbiyyat və incəsənət”

(17.04.2024)