Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə İspanaqli bozbaşın hazırlanma qaydasını təqdim edəcəyik. 

DÜSTUR:

§ Qovurma – 117 qr

§ Soğan – 25 qr

§ Tomat pastası – 23 qr

§ Yaşıl noxud – 25 qr

§ Düyü – 25 qr

§ İspanaq – 35 qr

§ Duz – 6 qr

§ Darçın – 2 qr

 HAZIRLANMASI:

Qovurma yağı ilə götürülür, soğanla qovrulur, üzərinə tomat əlavə olunur. Daha sonra isə su, duz, bir az yaşıl noxud və yumru düyü qatılır və bişməyə qoyulur. Hazır olana yaxın ispanaq xırda doğranır və xörəyə əlavə olunur.

QEYD: 

İstəyə görə bozbaşa adambaşına 1 ədəd olmaqla yumurta sarısı da əlavə etmək olar.

Nuş olsun!

“Ədəbiyyat və incəsənət”

(09.04.2024)