Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə  Qovurmali göbələk şorbasının hazırlanma qaydasını təqdim edəcəyik. 

 DÜSTUR:

§ Qovurma – 78 qr

§ Göbələk – 60 qr

§ Soğan – 15 qr

§ Kök – 35 qr

§ Pomidor (və ya tomat) – 45 qr

§ Yaşıl bibər – 30 qr

§ Kartof – 35 qr

§ Alça (və ya quru alça) – 10 qr

§ İstiot – 0,5 qr

§ Duz – 6 qr

HAZIRLANMASI:

Göbələk yuyulur, təmizlənir, nazik samanvarı doğranır, baş soğan təmizlənir, yuyulur, xırda doğranır. Pomidor yuyulur, doğranır. Kök yuyulur, təmizlənir, sürtkəcdən keçirilir. Kartof təmizlənir, yuyulur, xırda kvadrat şəklində doğranır. Qovurma qazana yığılır və ocağa qoyulur. Qovurma tam qızdıqda soğan və göbələk qazana əlavə olunur. Ərzaqlar qızardıqda digər tərəvəzlər əlavə edilir və tovlanır (qarışdırılır və qızardılır). Daha sonra pomidor, alça, işgənə əlavə edi- lir və bişməyə qoyulur. Bişənə yaxın isə duz, istiot, ədviyyat vurulur. Qaynayandan sonra 25-30 dəqiqə ərzində hazır olur.

“Ədəbiyyat və incəsənət”

(18.03.2024)