Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Ovduqun hazırlanma qaydasını təqdim edəcəyik. 

DÜSTUR:

§ Qatıq – 250 qr

§ Xiyar – 80 qr

§ Keşniş – 11 qr

§ Şüyüd – 11 qr

§ Reyhan – 11 qr

§ Mərzə – 11 qr

§ Duz – 4 qr

HAZIRLANMASI:

Bu soyuq və sərinləşdirici yeməkdir. Bu səbəbdən ovduq, adətən, isti aylarda hazırlanır və yeyilir. Keşniş, şüyüd, reyhan və mərzə, xiyar yuyulur, xırda doğranır, qazana tökülür. Üzərinə duz və qatıq əlavə olunur. Qatıq tam açılanadək bunlar bir yer- də yaxşı-yaxşı qarışdırılır. Bundan sonra həmin qazana sərin su əlavə edilir və yenə qarışdırılır. Artıq soyuq yemək hazır hesab edilir. Dərin qablarda süfrəyə verilir. Bu yeməyin içinə əksər hallarda çörək doğrayıb yeyirlər. Çörək bir qədər boyat olsa, daha yaxşıdır.

Tərifə Kəngərlinskaya (İrəvan şəhəri) eyni nüsxəni “ovdux” adlandırmışdı. Bu nüsxədə əlavə olaraq göy soğan, qızıl- gül ləçəkləri istifadə etmişdi.

Ədəbiyyat və incəsənət”

(27.02.2024)