Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Dovğanın hazırlanma qaydasını təqdim edəcəyik. 

DÜSTUR:

§ Qatıq – 200 qr

§ Düyü – 15 qr

§ Xama – 50 qr

§ Un – 8 qr

§ Yumurta – 7 qr

§ Dağkeşnişi – 15 qr

§ Şomu – 20 qr

§ Pazı yarpağı – 20 qr

§ Nanə – 12 qr

§ Kərəviz – 12 qr

§ Duz – 5 qr

HAZIRLANMASI:

Dovğa üçün dağkeşnişi, şomu (ispanaq), şüyüd, pazı yarpağı, təzə nanə, kərəviz yuyulur və xırda doğranır. Qatığa yumurta, xama və un qatılır, oca- ğa qoyulur. Yumru düyü qaynar suda isladılır. Düyü qatığa əlavə edilib qa- rışdırılır (bulanır). Həmin kütlə qay- nadıqda doğranmış göyərtilər əlavə edilib qarışdırılır (bulanır). Əgər dovğa qatı olarsa, su, düyü həlimi və ya südlə duruldula bilər. Soyumağa yaxın zövqə görə duz əlavə edilir.

Tariyel Səfərəliyev (Dərələyəz mahalı, Cermuk şəhəri) eyni nüsxədə göyər- tilərdən keşniş, yarpız, şüyüd istifadə etmişdir. Həmçinin müəllif göstərir ki, xörəyin hazırlanmasında düyü əvə- zinə arpa yarması, mövsümə görə isə cacıq, baldırğan, yazda keşniş, tərxun, ispanaq, cəfəri istifadə oluna bilər.

Ədəbiyyat və incəsənət”

(20.02.2024)