Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edəcəyik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Kahı məzəsinin reseptini təqdim edəcəyik. 

LAZIM OLAN ƏRZAQ:

Kahı – 158 qr

Nanə – 50 qr

Abqora – 10 qr

Üzüm sirkəsi – 10 qr

Şəkər tozu – 5 qr

HAZIRLANMASI:

Irəvanda kahı məzəsi işkəncəbi ilə yeyilir. Abqora və üzüm sirkəsinə qənd atılır. Içərisinə 1:1 nisbətində yaşıl nanə (quru halda da istifadə oluna bilər) əlavə olunur və qatılaşanadək qaynadılır. Sonra şüşə qaba tökülür, ağzı möhkəm bağlanır. 1:2 nisbətində su ilə açılır (durulaşdırılır), istifadə edilir.

P.S.Mövsümə görə məzələrin tərkibləri dəyişə bilər.

“Ədəbiyyat və incəsənət”

(19.01.2024)