Tanınmış yazıçı və kinossenarist İlqar Fəhminin ssenarisi əsasında, Vüsal Məmməfovun quruluşçu rejissorluğu və Azərbaycan Kinematoqrafçılar İttifaqının üzvü, Bakı Bələdiyyə Teatrının aparıcı aktyoru İlqar Musayevin iştirakı ilə yeni qısametrajlı filmə çəkilir.

“Ana” adlandırılan ekran əsəri Xalq yazıçısı Gülhüseyn Hüseynoğlunun hekayəsi əsasında ssenariləşdirilib. 

Filmin rejissoru Vüsalə Tağı, operatoru Mehdi Yaqubovdur. Rollarda İlqar Musayev, Firəngiz Babayeva, Gülər Nəbiyeva və Mirhüseyn Yaqubov çəkilir. Filmin çəkilişləri Xızı rayonunun tanınmış turizm məkanlarından olan Altıağacda aparılır. 

Real hadisələr əsasında çəkilən film Qarabağ həqiqətlərindən bəhs edir.

Şəhidlərə həsr olunan filmdə kənddə yaşayan iki dostun müharibəyə getməsi, onlardan birinin şəhid olması və son nəfəsində dostundan, ölümünün anasından gizlədilməsini xahiş etməsi filmin süjet xəttini təşkil edir. Ancaq sonda sağ qalan dost, baş verən hadisəni təsirli formada şəhidin anasına hiss etdirir. Nəticədə şəhid anası bu durumu qəbul edir, ana kimi məğrur duruşunu itirmir, öz hisslərinə hakim olur və şəhidliyin uca bir zirvə olduğunu qəbul edir.

“Ədəbiyyat və incəsənət”

(14.07.2023)