Bəli, bunu başqa cür adlandırmaq olmaz. Lənkəran Dövlət Dram Teatrı “Heydər Əliyev İli” və Azərbaycan peşəkar milli teatrının yaranmasının 150 illik yubileyi münasibətilə “Uçan səhnə” adlı layihənin icrasına başlayıb.
Layihə çərçivəsində ilk tədbir Lənkəran Şəhər İcra Hakimiyyətinin və “ZZ Art Center”in dəstəyi ilə rayonun dağlıq Bəliton kəndində reallaşıb. Teatrın truppası kənddə açıq havada uşaqlar qarşısında tamaşa və əyləncəli proqramla çıxış edib. Uşaqlara hədiyyələr verilib. Teatrın rəssamları da uşaqları “face-art”la sevindiriblər.
“Uçan səhnə” layihəsinin rayonun digər kəndlərində də icra olunması nəzərdə tutulub.
Bu barədə “Ədəbiyyat və incəsənət” portalı Mədəniyyət Nazirıiyinə istinadən məlumat verir.
“Ədəbiyyat və incəsənət”
(22.06.2023)
