İnsan niyə arzulasın ki, toza dönsün? Qəribədir, elədirmi? “Mən toz dənəsiyəm" hekayəsi insanın dəyişilməsi, bir aləmdən başqa bir aləmə "köçürülmə" prosesini əks etdirir və bu hekayə də həmin prosesin mahiyyətini psixoloji baxımdan açıqlaya bilməsidir. 

“Ədəbiyyat və incəsənət” portalı xəbər verir ki, yazıçı Təranə Vahidin qələmindən çıxan hekayə, Lənkəran Dövlət Dram Teatrında səhnə həyatı qazanır.

Səhnə əsəri Aynur Əhmədovanın ifasında təqdim olunacaq.

Tamaşanın müəllifi və quruluşçu rejissoru Emil Əskərovdur.

İnsan bütün ömrü boyu bu xəyallara düşə bilər və təbii ki, canlı həyatda insanın toza çevrilməsi mümkün deyil. Amma sənət buna qadirdir.

Hekayənin ədəbi qəhrəmanı dünyanın işlərindən, pisliklərindən, hər tərəfi bürümüş "hörümçək torundan" xilas olmaq üçün toza çevrilmək istəyir və çevrilir.

Şəkil tamaşanın stolarxası məşqindəndir

“Ədəbiyyat və incəsənət”

(08.05.2023)