Bu gün M Teatr “Məhşər günü” deyəcək
Az öncə bir yazıda Fəvvarələr Meydanında keçirdiyimiz bir sorğudan bəhs etdik. Orda da M Teatrın adı hallandı. İndi yenə də M Teatrdan bəhs edəcəyik. Bu gün M Teatr “Məhşər günü” tamaşasını nümayiş etdirəcək.
“Ədəbiyyat və incəsənət” portalı xəbər verir ki, tamaşanın çox maraqlı süjet xətti var: vaxtlar uğurlu karyera qurmuş, amma, ölümə məhkum edilmiş keçmiş dövlət müşaviri "rus ruletkası" oyunu ilə özünü öldürmək qərarına gəlir. Hər açılmayan güllədən sonra o, həyatının vacib bir məqamını xatırlayır...
Quruluşcu rejissor: Gümrah Ömər
Müəllif: Gela Dumbadze
İştirak edirlər: Vidadi Həsənov Şəhanə Yusifova Tohid Əzim
Səhnələşdirmə: Vidadi Həsənov Rəssam: Umay Həsənova Musiqi tərtibatı: Amid Qasımov Xoreoqraf: Oksana Rəsulova
Foto: Pəri Arifqızı Dizayn: Şəhriyar Malikli
Əlbəttə ki, M Teatr-la tanışlığı olmayan kəs sual edəcək ki, bu nə teatrdır. Deyək: müstəqil "M Teatr" ("Mənim Teatrım") “Qanun" nəşriyyatının binasında məskunlaşıb. Kitablara həyat verən cəfakeş
insan - Şahbaz Xuduoğlu qucağını açaraq teatra da həyat verib, yaşam imkanı yaradıb. Xalq artisti Vidadi Həsənov başda olmaqla gözəl bir kollektiv çalışır bu teatrda.
Biletlər də münasib qiymətədir. Baxanlar əsla peşman olmayacaqlar.
“Ədəbiyyat və incəsənət”
(03.03.2023)
