Kanadada fəaliyyət göstərən ELTV Media qrupu “Vahid Azərbaycan dövləti – Səfəvilər” adlı sənədli film yayımlayıb.

“Ədəbiyyat və incəsənət” Diasporla İş üzrə Dövlət Komitəsinin mediaya yaydığı məlumata istinadən bildirir ki, filmdə Səfəvilər dövlətinin yaranma tarixi, əhatə etdiyi coğrafi ərazilər, süqutunun səbəbləri və bu dövlətin qurucusu Şah İsmayıl Xətai barədə ətraflı məlumat verilib. 

Səfəvilər dövlətinin müasir Azərbaycanın milli kimliyinin formalaşmasında böyük tarixi rol oynadığına diqqət cəlb edilib.

“My History” layihəsi çərçivəsində gerçəkləşdirilən film Diasporla İş üzrə Dövlət Komitəsinin dəstəyi, “Vətən” Azərbaycan İncəsənət və Mədəniyyət Mərkəzinin təşəbbüsü və təşkilatçılığı ilə ərsəyə gəlib.

Diasporla İş üzrə Dövlət Komitəsi ümumazərbaycançılıq işinə töhfələr verməkdədir.