20 Yanvar faciəsinin 32-ci ildönümü ilə əlaqədar Nizami Kino Mərkəzinin repertuarında dəyişikliklər edilib.

Mərkəzdən bildirilib ki, yanvarın 20–də kinomərkəzin repertuarında olan komediya janrında filmlərin nümayişi dayandırılacaq.

Repertuara Salnamə Studiyasının çəkdiyi, 1990-cı il Yanvar hadisələrini əks etdirən, rejissor Nizami Abbasın “Silahdaşlar” filmi daxil ediləcək.

Film yanvarın 20-də saat 12:00-da və 15:00-da nümayiş olunacaq.

Seanslara giriş sərbəstdir.