Bu gün Azərbaycan Dövlət Musiqili Teatrında maraqlı tamaşalardan sayılan SSRİ Xalq artisti, görkəmli bəstəkar Rauf Hacıyevin “Qafqazlı qardaşqızı” operettası əsasında hazırlanmış eyniadlı səhnə əsəri nümayiş ediləcək.

“Ədəbiyyat və incəsənət” portalı xəbər verir ki, teatrın rus bölməsinin hazırladığı tamaşanın quruluşçu-rejissoru, Əməkdar incəsənət xadimi Əli Usubovdur.

Rauf Hacıyevin musiqisi, sevgi və intriqadan ibarət maraqlı süjeti, incə, məntiqli yumoru ilə seçilən “Qafqazlı qardaşqızı” operettası indiyə qədər Moskvanın, Sankt-Peterburqun, Riqanın, Nalçikin, Volqoqradın musiqili teatrlarında tamaşaya qoyulub.

Tamaşanın quruluşçu-dirijoru Əməkdar incəsənət xadimi Nazim Hacıəlibəyov, quruluşçu-rəssamı Rusiya Rəssamlıq Akademiyasının həqiqi üzvü, professor Dmitri Çerbadji, quruluşçu-baletmeysterləri Leyla və Zakir Ağayevlərdir.

Azərbaycan Dövlət Akademik Musiqili Teatrı iyulda çox maraqlı səhnə əsərləri ilə çıxış edəcək.

Sənət ocağının bu ay üçün nəzərdə tutulan repertuar planını təqdim edirik. 

5 iyul - “Qafqazli qardaşqızı”

6 iyul - “Beş manatlıq gəlin”

7 iyul - “999-cu gecə”

11 iyul - “Aysedora”

12 iyul - “Qadınım”

13 iyul - “Adanın adamı”

14 iyul - “Leyli və Məcnun”

18 iyul - “Paris Notr-Dama ithaf”

19 iyul - “O olmasın, bu olsun”

“Ədəbiyyat və incəsənət”

(05.07.2024)