Könül, “Ədəbiyyat və incəsənət”

Dünən Rus Dram Teatrında “Sevgi, @ nöqtə.RU” tamaşası nümayiş olunub. Bu bir komediyadır. 

Leon Aqulyanskinin pyesi əsasında səhnələşdirilmiş komediya özündə həyatın daimi məsələlərini, çoxsaylı komik səhnələri və parlaq aktyorların mənasız davranışını birləşdirir. 

Premyerası 2022-ci il noyabrın 12-də keçirilən tamaşa Azərbaycanın Xalq artisti Aleksandra Nikuşinanın yubileyinə həsr olunub. Quruluşçu rejissor Azərbaycanın Xalq artisti Aleksandr Şarovskidir.

Tamaşanın qəhrəmanları uzun müddət şəbəkə vasitəsilə ünsiyyət qururlar və nəhayət, şəxsən tanış olmağa qərar verirlər. Uğurlu işgüzar qadın və tanınmış plastik cərrah. 

Onlar bir-biri üçün doğulmayıblarmı?

Tamaşaçılar tərəfindən maraqla, bol gülüşlə  və gurultulu alqışlarla qarşılanan tamaşa hələ uzun müddət teatrın repertuarından çıxmayacaq. 

“Ədəbiyyat və incəsənət”

(08.04.2024)