Könül, “Ədəbiyyat və incəsənət”

Bu cümə axşamını məsləhətdir ki, Rus Dram Teatrında keçirəsiniz. Ənənəvi məkan, ünvanı yəqin gözəl bilirsiniz - Malokan bağı. 

Bu gün orda “Üç gözəl” tamşası oynanılacaq.

Rus dramaturqu Valentin Krasnoqorovun pyesi əsasında hazırlanan tamaşanın premyerası bu il yanvarın 13-də keçirilib, quruluşçu rejissoru Azərbaycanın Xalq artisti Aleksandr Şarovskidir. 

Tamaşada maraqlı zarafatlarla və şən əhvalatlarla dolu adi bir günün sevgi axtarışı üçün dönüş nöqtəsinə çevrilməsindən bəhs edilir. Müxtəlif xasiyyətli, fərqli taleli və temperamentli üç rəfiqə bir an içərisində öz talelərini kökündən dəyişmək və həyat yoldaşı tapmaq qərarına gəlirlər. Burada internet onların köməyinə gəlir.

Və…

İnternetlə adaxlı tapmağın aibətini kim bilmir ki. 

Gəlin, tamaşa edin. 

Sabah isə teatrda Təhminə və Zaur oynanılacaq. Anonsunu indi versəm də haqqında daha geniş sabah danışacağam.

Şəkildə: Tamaşanın afişası

“Ədəbiyyat və incəsənət”

(05.04.2024)