Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə keçirilən “Qonaq Teatr” layihəsi çərçivəsində Naxçıvan Dövlət Milli Dram Teatrı bu gün Bakıda “Edama məhkumun son günü” tamaşasını təqdim edəcək. 

“Ədəbiyyat və incəsənət” portalı xəbər verir ki, tamaşa Teatr Xadimləri İttifaqında nümayiş olunacaq.

Qeyd edək ki dahi fransız yazıçısı Viktor Hüqonun əsəri əsasında səhnələşdirilmiş tamaşa Naxçıvan Teatrının 140 illik yubileyi münasibətilə hazırlanıb.

Səhnə əsərinin quruluşçu rejissoru Mir Qabil Əkbərov, quruluşçu rəssamı isə Səyyad Bayramovdur.

Naxçıvanlılar sizi tamaşaya baxmağa dəvət edirlər, əziz bakılılar.

“Ədəbiyyat və incəsənət”

(20.11.2023)